أشبال مصر الرقمية | النهاردة بستثمر فى ولادنا..عشان بكره يبنوا بلدنا
منحة أشبال مصر الرقمية من المنح اللى ممكن تغير حياتك تماما 180 درجة وهتفتح لك أبواب وفرص كتير جدا جدا, وهدف المنحة هو إعداد قاده في التحول الرقمى لمصر.
أهلا بيكم يا رب تكونو بخير وبصحة وبسلام وفي أحسن حال معكم أخوكم علاء غبانى من موقعكم المتواضع.
طيب النهاردة هنتكلم على منحة مميزة جدا و أنا بصراحة لما قريت التفاصيل عنها اتفاجأت وزوهلت يعني كنت مزهول بجد. لانها والله ممكن تغير حياتكم تماما وترسم لكم مستقبل رائع.
طبعا كلامنا عن منحة أشبال مصر الرقمية اللى بتقدمها وزارة الاتصالات وهي ممولة بالكامل من قبل الوزارة (يعنى مجانية تماما) بل هيبقى في جوائز نقدية للمتفوقين (يعنى فلوس ومش أى فلوس).
ما هي منحة أشبال مصر الرقمية :
باختصار منحة أشبال مصرالرقمية هي منحة مجانية طبعا بتقدمها وزارة الاتصالات المصرية و المنحة دي بتستهدف الشباب من سن 12 سنة حتى 17 سنة
المراحل المتاح لها التقديم :
لازم المتقدم يكون في المرحلة الإعدادية أوالثانوية يعني أصغر طالب لازم يكون مخلص الصف السادس الابتدائى (راحت عليكى يا سنة ساته ابتدائى). يعني 12 سنة فيما فوق فده كده أقل حد & و أكبر حد تانية ثانوي ده إللي هو عنده 17 سنة (و مش عايزين تالتة ثانوى عشان يعرفوا يذاكروا فى الثانوية العامة).
المنهج اللى هيدرس كمان في منحه أشبال مصر الرقمية :
ولكن أقول لك حضرتك إنى المجالات التدريبية التى يقوم بتدريسها في المنحة تنقسم الى قسمين :
- التكنولوجيا.
- المهارات الشخصية .
- قسم التكنولوجيا هنتعلم فيه الآتي : الذكاء الصناعي - الروبوتات - تطوير البرمجيات - علوم البيانات - الفنون الرقمية - تأمين المعلومات و الشبكات (الامن السيبرانى).
- أما قسم المهارات الشخصية و القيادية فنتعلم فيه : مهارات التواصل والعرض - مهارة ادارة الوقت - مهارة بناء فريق للعمل بشكل فعال - مهارات التخطيط والقيادة - مهارات الفكير الابداعى - مهارات التوعية البيئية - أهداف التنمية المستدامة - ريادة الأعمال - العمل الحر.
لو عايز تعرف تفاصيل اكتر عن المنهج زور صفحة الفيسبوك الخاصة بمبادرة أشبال مصر الرقمية
نظام التعليم هيكون أزاى ؟
هنتتعلم أون لاين ولا هتعلم فى مركز تدريب : بص يا سيدي هيكون 75% من التعليم هيكون أونلاين من خلال منصة وزارة الاتصالات و25% من التعليم هيكون في مركز تدريب في المحافظة بتاعتك. ولازم تحضر على الأقل ثمانين بالمئة سواء حضور أونلاين أو حضور فى مركز التدريب الخاص بالمحافظة. عشان تقابل كل الناس المقبولين بمنحة مصر الرقمية معاك من المحافظه و تعمل فريق العمل (تيم ورك) وكده هيتم تدريبك على المهارات السابق ذكرها دى أول حاجة في نظام التدريب.
تاني حاجة مهم جدا لازم تبقى عارفها إن التدريس معظمه هيكون باللغة الانجليزية (يعنى هتتعلم انجليزى يعنى هتتعلم انجلش مفيش مفر).
ولكن طبعا هيكون في شرح بالعربي لشوية حاجات لكن المواد والمنهج والكلام ده كله يكون بالإنجليزي بس. العربي والإنجليزي مكس يعني لازم يكون عندك إلمام بأساسيات اللغة الإنجليزية.
مدة المنحة :
هتكون سبع شهور عبارة (ست شهور أثناء الدراسة و شهر في الصيف) ولكن الثلاث شهور أثناء الدراسة سواء فى الترم الاول او التانى مش هتتعارض مع الامتحان. لأن كل الناس اللي معاك هما طلبة زيك يعني مش هتأثر على الامتحانات بتاعتك ولا هتأثر على المذاكرة بل بالعكس هترفع من مستواك وهتخليك يعني إيه أحسن بكتير من زملائك لأنك هتبقى بطل مستقبل مصر الرقمى.
المميزات بتاعت المنحة :
- أول ما تقدم على الجامعة إن شاء الله بعد ما تخلص الثانوية هيساعدك إنك تحصل على منحة في الجامعات التكنولوجية التابعة لوزارة الاتصالات.
- طبعا غير الجوائز المالية فلوس يعني للمتفوقين.
- هيساعدك في المشاركة في المسابقات إللي على المستوى المحلي أو المستوى العالمى.
- شهادة مختومة بختم النسر و معتمده من وزارة الاتصالات عن كل سنة دراسية.
شروط التقديم :
في سبعة شروط كده بقى ورقة وقلم يا سيد الناس وست الكل و اكتبوا ورايا و يجب على المتقدمين استيفاء كافة و كل شروط التقديم ومعايير القبول التالية:
• الجنسية: مصري.
• السن: من 12 إلى 17 سنة.
• أن يكون المتقدم أو المتقدمة من الملتحقين العام القادم (2022-2023) بداية من الصف الأول الإعدادي إلى الصف الثاني الثانوي.
• مقيد في مدرسة من المدارس داخل جمهورية مصر العربية مدرسة حكومية خاصة تجريبية دولية لغات، أي نظام تعليمي موجود مفيش أي مشكلة خالص إنه يكون مدرسة داخل مصر.
• المعرفة الأساسية والقدرة على التعامل مع الحاسب الآلي.
• القدرة على التعلم عبر الانترنت.
• التفوق العلمي في الرياضيات والعلوم واللغة الإنجليزية والحاسب الآلي (تقديرك امتياز فيهم ميقلش عن 90%).
• توقيع وموافقة الطالب وولي الأمر على الالتحاق )ملحق الإقرار( والتعهد بالالتزام والانتظام في المبادرة.
المستندات المطلوبة :
ايه الأوراق أو الحاجات إللي أنا أكون المفروض محضرها ومجهزها، هما سبع حاجات :
- صورة شخصية ملونة للطالب / الطالبة خلفية بيضاء مقاس 4 × 6.
- شهادة الميلاد للطالب / الطالبة.
- بيان درجات المواد الدراسية للعام الماضي معتمد من المدرسة.
- شهادة المرحلة الابتدائية لطلاب الاعدادى أو شهادة المرحلة الاعدادية لطلاب الثانوى.
- خطاب القيد بالمدرسة الملتحق بها هذا العام (2021 / 2022) معتمد من المدرسة إن أمكن.
- بطاقة الرقم القومي (سارية) لولي الأمر.
- الإقرار والتعهد: يتم تحميله من الرابط التالى على الموقع ثم طباعته ويقوم بالتوقيع عليه.
إلغاء القيد في المنحة :
o يتم إلغاء قيد أي طالب في منحة مبادرة أشبال مصر الرقمية في أحد الحالات التالية:
o يتم إلغاء المنحة للطالب في حالة عدم إجتيازه معايير التخرج من المستوى التدريبي لأي مسار تدريبي.
o عدم الالتزام بأي من القواعد واللوائح المعمول بها والمعلنة لجميع الطلبة بالمبادرة.
o عدم الالتزام بالقيم الأخلاقية والتعليمية طوال فترة الالتحاق بالمنحة.
o تجاوز نسبة الغياب لإجمالي أيام التدريب بالمبادرة سواء الافتراضية أو الحضورية عن 20 % .
o تكرار عدم المشاركة بأي من الأنشطة المعلن عنها في الدول الزمني للتدريب.
o عدم الحفاظ على أي من أدوات التدريب التي سيتم تسليمها أثناء فترة التدريب.
o عدم احترام حقوق الملكية الفكرية للجهات المشاركة في المبادرة وفق للأحكام والقوانين المنصوص عليها.
o عدم حضور التقييمات والاختبارات المطلوبة أثناء التدريب.
o عدم احترام / إتباع التعليمات الطبية والاجراءات الاحترازية المعمول بها بالمبادرة.
o في حالة ثبوت ما يخالف أي من الالتزامات المذكورة أعلاه كلها أو بعضها يتم الغاء المنحة المقدمة للطالب دون أدنى حق له في الرجوع على الجهة المانحة، مع منعه من التقديم في أي سنة أخرى لاحقة بالمنحة.
** إذا كان لديكم أي استفسار أو إضافة للمقال يُمكنكم وضعه في تعليق **
** تقديرًا لجهودنا ودعمًا للموقع.. يُرجى مشاركة المقال عبر أزرار المشاركة الاجتماعية بالأسفل **
***** تم بحمد الله *****
يستخدم الموقع تقنيات حديثة للحدّ من التعليقات المزعجة والغير مرغوبة.